Sûcê merdimîye yê dewleta tirke yê vera Efrînî dewam kenê. Dewleta tirke îşxalê Efrînî yê 2018î ra nata  bi hezaran merdimî pê zorî koç kerdî, bi seyan kesî zîndanan de qetil kerdî. Rêxistina Heqanê Merdiman a Efrînî nameyê ê sivîlanê ke Efrînî ra ameyî remnayene û zîndananê Tirkîya de ameyî qetilkerdene eşkera kerdî. Goreyê sîteyê rêxistine nameyê nê sivîlan Kawa Umer (32), Mewlîda Nehman (64) ê.

26ê gulane de ANHA îfadeyê hemwelat E.H.yo ke pê îmkanê xo resabi Şehba weşanabî. E.H. dabi zanayene ke zîndanê Tirkîya de kawa Umeerî rê îşkence ameyo kerdene û awa pîse dîyaye ci. E.H. eşkera kerbi ke efrînijo bîn Mihemed Umer zî pê îşkenceyî ame qetilkerdene.

Vervatoxê Rêxistina Heqanê Merdiman a Efrînî Îbrahîm Şêxoyî da zanayene ke Mewlide Niman dima ke hetê cergan ameye remnayene 30ê gulane de ameye qetilkerdene. Şêxoyî îfade kerd ke dewa Moseka ya Recoyî ra kesê bi nameyê Mesûd Yusifî ame remnayene û zîndan de pê awa pîse kişîya.

Şêxoyî bale ante ser ke dewleta tirke herême de xeylêk sûcan kena  û nê sûcî raporanê mîyanneteweyîyan de ca gênê.