Tabûra Ermenîye ya Ş. Nûbar Ozanyanî ya ke serrgêra 104’ine ya Qirkerdişê Ermenîyan de ronîyaye, derheqê ronîyayîşê xo de eşkerayîyêka nûştekîye daye.

Eşkerayîya Tabûre de ca dîya nê îfadeyan:

“Ewro serrgêra 104’ine ya Qirkerdişê Ermenîyan de domanê ke qirkerdişî ra weş mendê, seba pawitişê xo Tabûra Ermenîye ya Ş. Nûbar Ozanyanî ronîyaye. Ma bi eşkerakerdişê ronîyayîşê na tabure serberz ê.

Ma sey domanê şarê Ermenîyî yê ke prosesê qirkerdişî de mecbûr mendî sirgûn bikerê ewro erdê Rojawanî de seba ke şorişî hîna bikerê xurt û sere de yê DAÎŞ’î hemverê heme hêrişanê dewleta Tirkî de Rojawanî bipawê ameyî têhet. Ma fikirê eke artêşêka şarî çina tu çîyêk ci çino esas girewt û yewîyêka mutewazîye ya pawitişê şarê Ermenî û şaranê Rojawanî awan kerde.

Ma waşt ke nê 24’ê Nîsane tena sey roja vîrardişê qirkerdişî nê, labelê sey roja temsîlkaranê ewroyênan ê Îttîhat Terakkî yê faşîstî ra hesabpersayîşî bêro dîyene. Ma zanê ke qirkerdişo ke 104 serrî verî ameyo kerdene ewro bi ton û renganê cîya-cîyayan de dewam keno. Naye ra ma zî hemverê zext, zulm, qirkerdiş û asîmîlasyono ke ewro zî dewam keno de hêzê xo yê pawitişê cewherîyî awan kerd. Ganî ronîyayîşê tabûre sey ciwînayîşê fikir û mucadeleyê Îbrahîm Kaypakkayayî yo ke wextêk ke qalê Qirkerdişê Ermenîyan qe çinbi ê nê qirkerdişî ardibi ziwan bêro dîyene.

Na gamêk a ke xo rê kena amac hem bi hêzê şarê Ermenîyî yo ke Rojawan de ciwîyenê û hem zî bi hêzê biorganîzeyî şorişê Rojawanî bipawo. Ma sey Tabûra Ermenîye ya Ş. Nûbar Ozanyanî ma do nêverdê ke no qirkerdiş newe ra bêro ciwîyayene. Seba nê zî ganî ma xo hîna bikerê biorganîze û organîzasyonbîyayşîê xo şorişê xo bikerê pîl. Seba bicaameyîşê amacê ma zî ganî ma xo hîna zaf organize bikerê û organîzebîyayîşê xo yê cewherîyî hîna bikerê vêşî û şorişê xo bikerê xurt.