Tebqa de dewleta tirke awa îstasyonan birnaye
Yewina Awe ya Tebqa da zanayene ke dewleta tirke reyna awe sey hacetêkê şerî şuxilnaye û birnaye coka 9 îstasyonê înan ê awe hînî xizmet nêkenê.
Hemserekê Yewina Awe ya Tebqa Hemûd Şêxî pa temsîlkaranê Îdareyê Sivîlî yê Deokratîkî yê Tebqa kombîyayîşê çapemenîye kerd.
Şêxî da zanayene ke dewleta tirke çimeyanê awe sey hacetê şerî şuxilnenena û vat: ''Asta awe ya awbendan û golan kêmîyaye. Awbendê Tebqa ra 4 mîlyar metrekup awe şîye.''
Şêxî pare kerd ke seba ke dewleta tirke awe birnaye 9 îstasyonê înan ê awe hînî xizmet nêkenê û vat: ''Ganî Neteweyê Yewbîyayeyî vera nê sûcanê şerî yê dewleta tirke bigêrê.''
