Qezaya Til Hemîsî yê Kantonê Qamişloyî de dimayê varayîşê zafî laser virazîyabi, keyeyî raşîyaybî û dewî ameybî talkerdene. Dimayo ke varayîş vindert û awî ameyî hewilnayene şar agêra keyeyanê xo û dest bi xebata temîrî kerd.

Dewa Wawîyê ra Neşwa El-Fadile vat, “Dimayê laserî ra keyeyê mi dewe ra vejîya, tena ez verê heywananê ma de menda. Ma tim ca vurnayêne, mîyanê ê 8 rojan de ma tim tersayêne ke do banê keyeyê ma serê ma de bêro warî.”

Neşwa ard ziwan ke dimayê hewilnayîşê awe ra şarê dewe agêrayo dewa xo û keyeyê xo yê ke varayîşî ra zirar dîyo temîr kenê. Aye da zanayene ke şarê dewe seba ke eşteyê înan raste ra bêrê wedaritene şaredarîye ra kepçeyî waştê.