Qezaya Til Rifatî ya Şehba de bi hezaran kesan pê çalakîyêka rayraşîyayîşî hêrişê îşxalî yê dewleta tirke protesto kerdî. Çalakîkerî pê şîarê 'Pê ruhê Xoverdayîşê Modernî ma do îşxalê Tirkîya çin bikerê û Efrînî azad bikerê' vejîyayî meydanan.

Rayraşîyayîş dima vurîya nawnayîş. Nameyê Meclîsê Til Rifetî ser o Mihemed Henanî qisey kerd û ard ziwan ke dewletê hegemonîkî paştî danê hêrişanê dewleta tirke. Henanî vat ke ê do heta pêro herêmanê îşxalkerdeyan azad bikerê do têkoşîn bikerê.

Nameyê Meclîssê Cinîyan ê Azadan ser o Munîra Mihemed zî îfade kerd ke cergê ke dewleta tirke rê xebitîyenê sivîlan qetil kenê, Sûrîye wêran kenê.