Korîdorê însanîyî yê Rojava-Şengalî hetê Iraqî ra 15ê Kanûne de qefelnîya. O korîdor 2014 de verê hêrişê çeteyanê DAÎŞî ê serê Şengalî hetê xortanê Êzidîyan û YPG/YPJyîyan ra semedê îhtîyacîya weşîye û lazimîyanê muhîman amebi akerdene. Girewtişê korîdorî ra dima xortanê Şengalî xetê sinorî ser de çadirî nayî ro û dest bi protesto kerd.

Şewa bîne binê hewayê serdî û varayîşî de xortan çadiran de protestoyê xo domna. Demê nîmerojî de şarê Şengalî zî do beşdarê çalakîye bibo.

Rayîrê Duhokî ke binê destê PDKyî de yo 2017 ra dima hetê PDKyî ra vîyartişê şarê Şengalî rê qefelnîyabi. Rayîrê Rojava-Şengalî qefelîya la ê Dihok-Şengalî bi a.