Dewleta tirke vizêr taxa Hilêlî ya şaristanê Qamişloyî de pê SÎHAyan Yusif Gulo, Mazlûm Gulo û Mihemed Gulo qetil kerdî. Vervatoxê YPGyî Nurî Mehmudî derheqê hêrişî de na eşkerayîye daye:

''Hêrişo ewroyîn eşkera keno ke dewleta tirke armanc kena ke pêro kurdan qetil bikera. Netîceya nê hêrişê wehşîyî de Yusif Guloyo ke herême de şinasîyeno, û tornê ci Mazlûm Gulo û Mihemed Gulo şehîd bîyî.

Ma nê hêrişî şermezar kenê û şarê xo û keyeyê Guloyî rê serweşîye wazenê. Ma wazenê pêro dinya rê vajê ke qirkerdişanê dewleta tirke tesîrê ma nêkenê û nêeşkenê ma rayîrê şehîdan û xoverdayoxan ra dûrî bifînê.

Şehîd Yusif Gulo mîyanê kurdan de kesêko şinasîyaye bi. O pê hişmendî û tewirê xo yê welatperwerî şinasîyayêne. Ey ciwanîya xo ra nata mîyanê têkoşînê haştîye û demokrasî yê şarê xo de ca girewtêne. Ey paştî daye xoverdayîş û şorişanê kurdan. Wexto ke têgêrayîşê azadîye yê Kurdîstanî dest pêkerd Yusif Guloyî pê pêro hêzê xo paştî daye ci û berê keyeyê xo şorişgêranê kurdan rê akerdî. Ey kerd ke domanê ci zî tewrê şorişî bibê. Zaf doman û tornê ey şoriş de şehîd bîyî.

Wexto ke Rojawan de Şorişê 19ê Temmuze dest pêkerd Yusif Guloyî pêro domanan û tornanê xo reyde paştî daye şorişî. Nînan ra zafêrî tewrê karwanê şehîdan bîyî. Hema zî zaf torn,, doman û way û birayê ci têkoşîn de ca gênê.

Şehîd Gulo semedê azadîya şar û welatê xo şerwanêko raştikên bi. Rojawan de awanîya cuya hempare de rolê ci pîl o.

Ma nê hêrişê wehşî şermezar kenê. Ma do heta ke armancê serfîrazîye yê şehîdanê xo bîyarê ca û îşxalê tirkan biqedînê têkoşîn bikerê. Nê hêrişî do bêcewab nêmanê.''