Endamê Konseya Hemserekîye ya PYDyî Aldar Xelîlî hêrişê vera Şingalî, hedefê nê hêrişan û tesîrê nê hêrişan ANFyî rê ercnayî.

Aldar Xelîlî da zanayene ke nê hêrişê vera Şingalî tesadufî nîyê û dewleta tirke pê nê hêrişan arman kena ke êzidîyan bêrayber ver bida. Xelîlî vat: ''Dewleta tirke bi heman armanî 3 serrî verî zî Mam Zekî Şengalî hedef kerdbi. Pê hêrişê vera nêweşxaneyî dewleta tirke no mesaj da: 'Şima ça de çîyêk bikerê ez do bida uca ro.' Dewleta tirke çinkerdişê kurdan de, çinkerdişê êzidîyan de isrardar a.

Hêrişê vera gerîlayan, hêrişê vera Şingalî, hêrişê vera rojawanî çarçewa konseptêkî de yenê kerdene. Eke Şingal bin bikewo Rojawan zî bin keweno. Şarê Rojawanî bi her hawayî hetê şarê Şingalî de yo. Senî ke DAÎŞî hêrişê Şingalî û şarê êzidîyan kerd, şexsê êzidîyan de dewşeta tirke waşt ke pêro kurdan werte ra wedarna.

Serekwezîrê Iraqî Mustafa Kazimî wextê hêrişî de Şingal de bi. La ê vera hêrişî tewir nêmojnenê. No zî eşkera keno ke ê hemkarê hêrişanê Tirkîya yê. Rayaumûmîya dinya zî, dezgehê mîyanneteweyî zî ganî vera nê hêrişan tewirê xo bimojnê. Wa şarê Kurdîstanî wayîrê Şingalî vejîyo. Şingal cayê xoverdayîş û rûmetê kurdan o.''