Xirîstîyanê Dêrikî: Ma pê fikranê Ocalanî cuyêka newîye ronaye
Xirîstîyananê Dêrikê Rojawanî pare kerd ke ê pê perspektîfê neteweya demokratîke ya Rayberê Şarê Kurdî Abdullah Ocalanî cuyêka newîye awan kerde û vat ê wazenê wa Ocalan azad bibo.
Xirîstîyananê Dêrikê Rojawanî derheqê Komployê 15ê Sibate yê vera Rayberê Şarê Kurdî Abdullah Ocalanî de ANFyî rê qisey kerd.
Seyde Henna Brahîm vat: ''Rayber Apoyî tim seba azadîya şar û cinîyan xebitîya. Ma wazenê Rayber Apo azad bibo. Ma sey xirîstîyananê Rojawanî hetê Rayber Apoyî de yê. Ma welatanê Ewropa, dezgehanê mîyanneteweyîyan ra wazenê ke wa Rayber apo vera bidê.''
Nubar Keco Kuniyan vat: ''Ewropa qala heqanê merdiman kena la verê hêrişanê dewleta tirke nêgêna. Ma naye qebul nêkenê. Şarê Dêrikî felsefeya neteweya demokratîke ya Rayber Apoyî tesdîq kerde. Ma wazenê wa Rayber Apo azad bo.''
Elene Eysa Korkis vat: ''Dewleta tirke tecrîdê vera Rayber Apoyî kerd giranê. Şaranê Rojawanî bingeyê paradîgmaya Rayber Apoyî de xo rê cuyêka newîye ronaye û pîya sey têdûşt ciwîyenê.Ziwanê ma hînî fermî yo, hêzê ma yê cinîyan estê.Ma wayîrê fikranê Rayber Apoyî vejîyenê. Ma wazenê Rayber Apo azad bibê. Heta o azad bibo têkoşînê ma do dewam bikero.''
