25ê teşrîna peyêne de YPJyî Tebqa de bi beşdarîya 500 delegeyan Komxebata Cinîyan û Pawitişî ya Diyîne ya Rojhelatê Mîyanênî bi şîarê ''Cinîya rêxistinkerdîye cinîya bihêz a, cinîyan bihêz çeka tewr pîle ya pawitişî ya'' kerde.

Komxebate de hêverî Fermandara YPJyî Sozdare Dêrik qisey kerd û vat: ''Ma do têkoşînê xo de rayîr nêdê astengîyan. Sey şerwananê YPJyî ganî ma pêro cinîyan azad bikerê.''

Komxebate de tesîrê Şerê Dinya yê Hîrêyînî, girîngî û zehmetîyê pawitiş û xopawitişî,  girîngîya paştdayîş û yewîya cinîyan ameyî ercnayene.

Komxebate ra dima netîcename ame eşkerakerdene.

Netîcename de nê birî ameyî cagirewtene:

''-Hemleya Azadîye do bêra vilakerdene

-Têgêrayîş û rêxistinanê cinîyan ê Rojhelatê Mîyanênî de paştdayîş wa bêro pîlkerdene.

-Seba yewîya cinîyan polîtîkayî wa bêrê zêdekerdene.

-Seba cinîyan bernameyê perwerdeyî wa bêrê kerdene.

-Verê şîdet û qirkerdişê cinîyan bi xopawitişî bêro girewtene.

-Wa torrê komelkîyî asta herêmî û globale de bêrê ronayene.

-Bi awankerdişê platformanê hemparan Rojhelatê Mîyanênî de seba hemkarîye karî bêrê kerdene.

-Înîsîyatîfê hemparî wa ronîyê, nê dezgehanê heqanê merdiman û cinîyan ê dinya de seba awankerdişê warê cuye yê asayî bixebitê.

Ma soz danê ke bi felsefeya 'Jin, Jiyan, Azadî' xo bipawê.''