Serrgêra 23. ya Komployê Mîyanneteweyî yê 15ê Sibate ra ver polîsan çar şaristanan de xeylêk kesî destbend kerdî.

Sêrt de polîsan serê sibayî eşt bînaya Komeleya Hetkarîya bi Keyeyanê Tepişteyan û Hukmwerdeyan (TUAYDER) ser û dest na materyelanê komele ser. Polîsan heman wext de eşt îdarekaranê komele û sîyasetmedaranê kurdan ser. Sereştişan de Hemsereka TUAYDERî Muhsîne Ozkan, îdarekar Necmeddîn Yur, îdarekaro verên Resul Arslan, Meclîsê Mayanê Haştîye ra Maşallahe Arslan, Taybete Tekîn, Hedîye Suçîn, Vetha Kaçar,  Hemsereka verêne ya HDPyî Emîne Aşkara ameyî destbendkerdene. Qezaya Dihî ya Sêrtî de zî Kanîte Dayanana ke nêweşa qelb û velgî ya ameye destbendkerdene. Polîsan domanê Dayanane tehdît kerdî.

Şirnex de polîsan Cizîre rojnamegera MA Zeynepe Durgut destbend zî tede xeylêk kesî destbend kerdî. Silopî de Ridvan Ozmen, Dogan Şavluk, Nesîm Sayin, Selahattîn Ormanli û Zîya Durmuş ameyî destbendkerdene.

Adana de zî sereştişê keyeyan de xeylêk kesî ameyî destbendkerdene. Hûmara destbendkerdeyan nêzanîyena. Sereştişan de keyeyî ameyî serûbinkerdene.

Mersîn de bi îdîaya 'amadekarîya çalakîye' derheqê 52 kesan de bira destbendkerdişî ameye girewtene. 12ê sibate ra nata sereştişê keyeyan de 43 kesî ameyî destbendkerdene. Nînan ra Serkan Şahîn seba ke wextê nezaretî de îşkence û teda dî 12ê sibate de dest pê grevê vêşanîye kerd. Ramazan Yildirimî da zanayene ke 14ê sibate de komêka ciwanan do dest pê grevê vêşanîye bikera.