Çalakîya protestoyî ya hemverê qerarê tebersînorkerdişê multecîyan ê endam û îdarekaranê Mazlûm-Der, Ozgur-Der, Komeleya Ûlûslararasi Multecî Haklari û Komeleya Hûkûkçûlarî bîye hedefê nîjadperestî.

 Komeleyanê ke waşt Parkê Saraçhaneyî de qerarê Wezaretê Karanê Zereyî û Walîtîya Stenbolî yê tebersînorkerdişê multecîyan protesto bikerê hem rastê hêrişê ulkucîyanê ke peyê înan de dewlete esta ameyî û hem zî rastê hêrişê polîsan ameyî. Çalakîya ke her di hetan ra zî xeylî kesî ameyî destbendkerdene hetê xeylî endamanê çapemenîye ra amî şopnayene. Çalakîya ke tede xeylî cinîyî zî estbî pankartê sey “Mueyîdeyanê zextdar û qedexekerdoxan ê Wezaretê Karanê Zereyî yê hemverê multecîyan rê nê”, “Multecîyî xerîb nê wayê/birayê ma yê”, “Ma muhaciran rê nêbê gardîyan bibê ensar” ameyî kiriştene. Dowîza “Çîyo ke ti seba xo wazenê seba wayê/birayanê xo rê zî biwaze” zî amî akerdene.

 Polîsan xêrcê endam û îdarekaranê komeleyan nêverda Sûrîyeyijî bikewê parkî mîyan. Gama ke îdarekaran qiseykerdiş kerdêne grûbêka ulkucîyan kewte park, mudaxeleyê qiseykerdişan kerd. Mabênê ulkucîyanê ke nîşanê vergî kerd û slogan nîjadperestî eştî û endam û îdarekaranê komeleyan de alozî vejîyaye. Çalakîya ke her di hetan ra zî kesî ameyî destbendkerdene de mabênê îdarekaranê komeleyan û polîsan de zî alozî vejîyaye. Kîtle hemverê nê provokasyonî de slogana “Biciwîyo biratî qehr bo faşîzm eşte”.