Çalakîya sabotajî ya Cîzire Yewîya Qesasî girewte xoser
Çalakîya sabotajî ya Cîzire ‘Yewîya Qesasî ya Şehîde Rûken Hosere’ girewte xoser.
Yewîya Qesasî ya Şehîde Rûken Hosere bi eşkerayîyêka nuştekîye da pêhesnayene ke çalakîya sabotajî ya ke 11’ê Temmuze de qezaya Cîzire ya Şirnexî de vera nuqteya polîs û pawitoxan ameye viraştene, hetê înan ra ameya viraştene.
Eşkerayîye de ame vatene ke çalakîye de tewr tay 2 polîsî ameyî kiştene û çarê înan giran 9 polîs-pawitoxî zî birîndar bîyî. Yewîya Qesasî bale ante şero leymin ê dewleta Tirkî yo ke Kurdistan de yeno domnayene ser û vat çalakîyê înan ê vera xîyanetkaran do dewam bikerê.
