Gama ke dewleta Tirkî dest bi operasyonêkê neweyî yê vera Başûrê Kurdistanî kerd, Wezîrê Karanê Teberî yê Tirkî Mevlut Çavûşoglû semedê tewrbîyayîşê merasîmê sondwendişî yê Neçîrvan Barzanî yê serekîye şi Hewlêr.
Wezîrê Karanê Teberî yê Tirkî Mevlut Çavûşolû semedê tewrbîyayîşê merasîmê sondwendişî yê Neçîrvan Barzanî yê serekîye Hewlêr zîyaret kerd.
Çavûşoglû Rasteyê Teyareyan ê Miyanneteweyî yê Hewlêrî de hetê Neçîrvan Barzanî yo ke bîyo Serekê Herême ra ame pêşwazîkerdene. Parlamenterê AKP’yî yê Amedî Mehdî Eker, konsolosê Tirkîya yê Hewlêrî Hakan Karaçay û sersefîrê Bagda Fatîh Yildiz zî do pîya bi Çavûşoglûyî tewrê merasîmê sondwendişî bibê. Neçîrvan Barzanî hetê Parlamentoyê Hewlêrî ra 28’ê Gulane de sey Serekê Herême amebi vîjnayene. Yeno pawitene ke merasîmo ke do saetanê nîmrojî de bêro viraştene Wezîrê Karanê Teberî yê Almanya Heîko Maasî ya pîya temsîlkarê xeylî welatan tewrê ci bîbê. Çavûşoglû yo ke wextê hêrişê îşxalê serê Başûrê Kurdistanî de Hewlêr zîyaret kerd, verê merasîmê sondwendişî keyeyê Barzanî ra bi Mesrûr Barzanî ame têhet.
