Pêvînayîşê Rayberê Şarê Kurdî Abdullah Ocalanî hewna zî bi bahaneyanê keyfîyan yenê redkerdene. Parlamenterê HDP’yî Omer Ocalan pêvînayîşê peyênî yê Ocalanî û tecrîd ercnayî.

Parlamenterê HDP’yî vat bloke AKP-MHP’yî pêvînayîşê Îmraliyî xo rê kerdê sey enstrumanêkê propaganda û weçînitişê Stenbolî de şuxulna û vat ke o çî nizdbîyayîşêko ercan bi.Derheqê redkerdişê waştişanê pêvînayîşanê Ocalanî de vat, “nizdbîyayîşêko bi nê hawayî yê hemverê Birêz Ocalanî ne fayde dano şarê Kurdî ne zî fayde dano şarê Tirkî. Problemê Kurdan pîl o. roje bi roje bi desan merdimî cuya xo vînî kenê. Hema vajê agêrayo şerêkê dereceya mîyanêne û berze. Nizdbîyayîşêko bi nê hawayî yê hemverê Rayberê şarêk nêno qebulkerdene. Hetê sîyasîyî ra zî ma qebul nêkenê û rast nêvînenê. Zêdeyê 40 serrî yo şer virazêno û problemêk esto ke bi desan serran dewam keno. Rast nêyo ke pêvînayîş tena çarçewaya weçînitişanê Stenbolî de bêro kerdene. Fehmê Kurdan, mucadeleyê Kurdan sey palikêk seba amacanê xo şuxulnenê, no rast nêyo, ma qebul nêkenê.”

Parlementer Omer Ocalanî vat bloke Tirkîya cîya asenê gama ke babete bena Kurdî heme benê yew û vat, zereyê meclîsî de nê blokî bi heman hawayî têgêrenê. Parlamenterê HDP’yî vat, “çar partîyî xeylî babetan de pê nêkenê, hemverê yewbînan de polîtîka rayra benê, la gama Kurdî benê mesele, gama mesele beno qezenc û statuya Kurdan heme benê yew. Bendewarîya ma nê her di blokan ra çina. Yê ke ma behsê înan kenê sosyal demokrat, akademîsyen, feminist û roşinvîr ê ke xo xeta hîrêyine de pênase kenê û nizdê xeta hîrêyine yê. Ganî ê Birêz Ocalanî bifînê rojdemê xo û sey muzakerekarêko sereke yê nê problem qebul bikerê. Operasyonê Başûr û Rojawanê Kurdistanî de, qaso ke Pirsûs ra hayîyî yenê hewilnayîşêko leşkerî yo pîl esto. Seba ke şer bêro astengkerdene ganî roşinvîrî rol û mîsyonê Birêz Ocalanî bivînê û çalakîyan bikerê.”