Îran de keyeyanê çalakîkeran rê gefê kiştişî
Selahîyetdaranê Îranî keyeyê Nîma Shafagh Doustî rê gef wend ke hetê dewleta Îranî ra kişîyabi. Hîrê mengan ra dima keyeyî bêvengîya xo teriknaye û vat ke lajê înan hetê dewlete ra kişîyayo.
Goreyê xebera Malpera Kurdistanî 21ê êlula 2022yî de Nîma Shafagh-Dousto ke Ûrmîye ra şîyo çalakîyanê vera hukmatî yê Îslamabadî, tîya de hetê hêzanê dewlete ra kişîyayo.
Keyeyê ey verî lajê xo berd nêweşxane la seba ke dormeyê nêweşxaneyî hetê hêzanê dewleta Îranî ra ame girewtene. Coka keyeyî bi doktorêkê taybetî keye de lajê xo derman kerd.
La Shafagh 12 rojan ra dima ame berdene bi Nêweşxaneyê Xumeynî yê Ûrmîye û çend saetan ra dima zî enfeksîyonî ra dinyaya xo bedilnaye.
Hêzanê dewlete îdîa kerd ke Nîma gazkerdişê kutikî ra merdo. Keyeyê Nîmayî zî gefanê dewlete ra derheqê mergê lajê xo de medyaya dewlete rê qisey kerd û îdîaya dewlete qebul kerde.
La hîrê mengan ra dima dadîya ey roportajêkî da KHRNyî û da zanayene ke lajê ci hetê hêzanê dewlete ra bi çeke kişîyayo. Dadîye Pervîne Hassanabadî dîyar kerd ke lajê ci nawnayîşan de birîndar bîyo û enfeksîyonî ra merdo.
