Îran û Rojhelatê Kurdîstanî de vera teda û tepiştişan xoverdayîş dewam keno. Dewleta Îranî zî tepiştişan rê dewam keno.

Şaristanê Merîwanî yê Rojhelatê Kurdîstanî de aktîvîstan ê cinîyan bi sloganê 'jin, jiyan, azadî' çalakîyêke kerde.

Ciwanro hewteyêkî ra nata binê ablûqaya hêzanê Îranî de yo û şaristan de sereştiş û destbendkerdişî dewam kenê. Kuçeyan de hêzê leşkerî ameyî cakerdene.

Zîndanê Keçoyî yê Kerecî de 15 cinîyan ê tepişteyan vera kerdişanê rejîmê Îranî dest pê grevî kerd.

Goreyê raporê Komîteya Çimdarîya Rewşe 16 kesî nezaretan de bi îşkenceyî ameyê qetilkerdene û tay çalakîyê birîndarî zî dima ke tepişîyayê seba ke nêameyê dermankerdene merdê. Nameyê nê 16 kesan ameyî eşkerakerdene.

Lîderê dînî yê Îranî Elî Hamaneyî tay selahîyetdaranê terefgîranê cinîyan de qisey kerd û înan rê vat ke laçikî seba Îslamî mecbûrî yo coka ê do ney ra apey gamêke nêerzê.