DEM Partî bire dabî ke weçînayîşanê herêmîyan ê 31ê adara 2024î de 27 qezayanê 11 şaristanan de namzetanê xo bimojna. Çarçewa ney de DEM Partî qezayanê Esenyurt, Sancaktepe, Adalar û Sultanbeylî yê Îstanbulî de dest pê xebetan kerd. 

Bînaya DEM Partî ya Îstanbulî de xebatê weçînayîşan yenê kerdene û muracatê seba namzetîye yenê girewtene. Komîsyono ke muracatan ercneno 80 kesan ra yeno pê. 

Muracatî do heta 25ê kanûne dewam bikerê. Dima komîsyon do lîsteyan bişawo Rêxistina Qezayan a DEM Partî. Hemwelatîyê qezayan bi kombîyayîşanê şarî û rayanê şarî do namzetanê eşkera bikerê.

Rêxistina DEM Partî ya Îstanbulî venga pêro cinî û ciwanan da kke wa mesuldarî bigêrê xo ser û seba namzetîye muracat bikerê.