Hêrişê dewleta Tirkî yê vera erdê Başûrê Kurdistanî, Komara Adigeyî ya Federasyonê Rûsya de bi eşkerayîyêka çapemenîye ameyî şermezarkerdene.

Endamê KNK'yî yê Rûsya Feyzo Huseyînî vernîya Merkezê Kulturê Kurdan ê Adigeyî de qisey kerd û ard ziwan, dewleta Tirkî vera şarê herême suc kena.

Huseyînî vat, “Dewleta Tirkî ya îşxalkare PKK’yî sey bihaneyî nîşan da û dest bi hêrişê îşxalkerdişê erdê Başûrê Kurdistanî kerd. Hêrişê îşxalkarîye zirarêko gird da şarê sîvîlî û wazenê înan ca ra bikerê.” 

Eşkerayîye de ame vatene, faşîzmê AKP’yî dişmenîya Kurdan û kiştişê Kurdan de êdî sînor nas nêkeno û ame vatene, “Faşîzmê AKP-MHP’yî yo ke tekane derdê xo kiştişê Kurdan o, tayê Kurdî estê ke hetkarîya înan kenê.”

Huseyînî vat, “Ganî ê hêzê ke paştdayîş danê faşîzmê AKP-MHP’yî cade na polîtîkaya qilêrine ra fek raverdê û destûr nêdê cehdkerdişê îşxalkarîye. O yo ke dewleta Tirkî Başûrê Kurdistanî de kena sucê merdimîye yo. Sere de Rûsya ma vengdayîş bi heme welatanê Mîyanneteweyanê Yewbîyayeyan kenê ke vera nê hêrişan hîsgêr bê.”