Grûba Avûkatanê Xoseran ê Mardînî, gerreyê şaredaranê verênan û nikayinan kerd ke erdlerzî tesîrê bajar yan zî qezaya înan kerdo. Amed, Riha, Mereş, Meletî, Semsûr, Dîlok, Osmanîye, Hatay, Adana û Kîlîs de bi taybetî verê 1999î de kesekê serekîya beledîyeyan kerda, ê kesî gerre kerdî. Mîyanê nînan de qeyûmê Amedî Alî Îhsan Su û qeyûmo verên ê Yenîşehîrî Murat Beşîkçî zî ca gênê.

Av. Ahmet Duyanî nameyê avûkatan ser o îzahat da û vat, ‘‘Gere pêroyê berpirsyaran bêrê muhakemekerdene.’’