Bajarê Lubeckî yê Almanya de semedê Sakîne Cansız, Fîdane Dogan, Leyla Şaylemez, Emine Kara, Mîr Perwer û Abdurrahman Kizilî yê ke paytextê Fransa Paris de 9ê çeleyê 2013 û 23ê kanûna 2022yî de şehîd bîyî aktîvîteya yadkerdişî ameye kerdene.

Aktîvîteya ke hetê Komeleya Kulturî ya Kiel û dezgehê Jiyana Jin ame kerdene pê rêzgirewtişê semedê şehîdan dest pêkerd. Aktîvîte de dewleta tirke ya ke wird qirkerdişî kerdî ameye şermezarkerdene û veng dîya Fransa ke wa berpirsîyarîya xo bîyaro ca. Qiseykerdişan de ame vatene ke kurdî do wayîrê îradeyê xo vejîyê û rêçê şehîdanê xo de têkoşînî gird bikerê.