Îbrahîm Durmaz (Haci) babîyê çar domanan bi, 1980 ra verî semedê karî verê xo da Almanya. Uca de tewrê Têkoşînê Azadîye bi û bi fermandarêkê Hemleya 15ê Tebaxe. Fotografo ke o û Egîd (Mahsum Korkmaz) tede yê vîrê kurdan de cayê xo girewt.

No fotografanê kêman ê gerîlayan ra yew o. La wexto ke qala Egîdî yena kerdene no fotograf yeno vîrê merdiman. Egîd serê astorî de yo, Hacî zî verê astorî de yo. Pey de zî 3 gerîlayî asenê. Goreyê texmînan fotograf serra 1983î de Besta de nêzdîyê dewa Xirbikî de ameyo girewtene.

Hacî 1954 de dewa Qerûkî ya qezaya Pirsûsî ya Riha de dadîya xo ra bîyo. Serranê 1970an de hayîya ey pê Rayberê Şarê Kurdî Abdullah Ocalan û Têgêrayîşê Azadîye beno. Wexto ke o şino almanya têgêrayîşî reyde têkilîye nano ro. Hacî peyê serra 1982î de semedê têkoşînê çekdarî şino Başûrê Kurdîstanî û uca ra zî yeno Vakurê Kurdîstanî. O mîyanê koman ê verênan ê gerîlayan de şino Botan. Fermandar Haci amadekarîyanê Hemleya 15ê Tebaxe de ca gêno û dima Botan û Xerza de maneno. Fermandar Hacî gerîla Veysi Badem (Diyap) û gerîla Vedat Alataş (Zihnî) yê Tîma Propaganda ya 21ê Adare ya HRKyî de ca gên. Fermandar Hacî 1ê temmuza 1985î de xoverdayîşê Şîrvan-Sîsemî de şehîd bi.