Îşxalê Efrînî 5 serrî xo pey de verdayî la hema zî derheqê raştîya heqê 'pawitişê meşrûyî' ya ke dewleta tirke kerda bahaneya  îşxalî de cigêrayîşêk nêame kerdene. Bi na wesîle Wekîla Partîya Çepe Sevîme Dagdelen bi vernîyazê persan babete berde Meclîsê Federalî.

Dagdelene hukmatî ra persa ke derheqê binpaykerdişê huqûqê mîyanneteweyî yê dewleta tirke de înan cigêrayîşêk kerdo yan nê. Bi nameyê hukmatî  Şêwirmendê Wezîrê Karanê Teberî Andreas Michaelsî cewab da vernîyazî.

Michaelsî îdîa kerd ke agahîyê qîmî çin ê ke ê vajê dewleta tirke Efrîn de huqûqo mîyanneteweyî binpay kerdo. Michaelsî cewabêko eşkera nêda seba îdîaya 'pawitişê meşrûyî' yê Tirkîya. 

Michaelsî îfade kerd ke hukmatê Almanya çend reyî rexne kerdo ke Tirkîya Rojawan de ya û vat: ''Ma waşt ke şaro sivîl bipawîyo û heta mumkîn bibo Tirkîya estbîyayîşê xo yê leşkerî Rojawan de biqedîna.''