Amed de karê weçînayîşî yê Partîya Çep a Keske bi hawayêkê hîrayî dewam kenê. Namzetanê Amedî yê Partîya Çep a Keske ra Azad Barişî ANFyî rê qisey kerd.

Barişî da zanayene ke Amed de atmosferêko bêhempa est o. Barişî vat: ''Ma bi coşî yê. Şar pêvînayîşanê ma de waştişê xo yê vurnayîş û azadîye mojneno. Şar zaf aktîf o. Ciwan û cinîyî zî wina yê. Ciwanî xîret kenê ke tewrê her xebate bibê. Waran de şarê ma vano ke ê partîya ma reyde yê. Amed amade yo, vurîyayîş tîya ra do dest pêbikero. Eke Amed ser bikewo, Tirkîya û Kurdîstan zî do ser bikewê.

Seba ma paştdayîşêko bêhempa est o. Namzetê Partîya Çep a Keske keye bi keye gêrenê. Şarê ma berê xo ma rê heta peynî akeno. Ma nê beran ra kewenê nar û tarîtîye wedarnenê. Şarî pêvînayîşan de ma rê waşt ke wa meseleya kurdan bêra çareserkerdene, haştîye û demokrasî bêrê. Vayê vurnayîşî mîyanê şarî de vila bîyo.''