Awanîyê Dîyar Galerîya ke gere bêrê rijnayene, erdlerzî de nêmeyê înan rîjîyaybî û xeylê însanê ma bin de merdbî. Yê bînî ke ewro yenê rijnayene, tede heywanê kedîyî est ê.

Pawitoxa Heqanê Heywanan Nîlaye Yilmaz, seba ê heywanan ke zereyê awanîyan de mendê, roja sêşemeyî çalakîya roniştişî kerde.

Yilmaze: ‘‘Yeno zanayene ke tede heywanî teyîtkerdeyî est ê, heta tayê înan ameyê percera ver, yanî ma cêr ra zî ê dîyî. Ma nêeşkenê asteng bibê ke nê awanîyî înan ser o nêrê rijnayene. Xemê kesî de nîyo. Kes nêeşkeno xo biresno walîyî, kesêk ma muhatap nêgêno.

Vizêrî AFAD ame tîya hesaban ra înan ê xelisnayêne. Tena reyêk vînce berz kerd û rona. Çîyêk nêxelisna tena şow kerd. Qetîye ê heywanî nêameyî xelisnayene. Ma vizêrî heta saete 2ê şewe tîya de bîyî, ma serê sibayî ameyê ke hayo meqes danê awanîyan ro, xeylê kîrîş û kolonê awanîyan birnayî û awanîyî hema zî nêrijîyayî. Înan terkê mergî nêkenê, rasterast înan kişenê. 

Şima ê heywanan kişenê û qetîlê înan şima yê. Kam ke emrê rijnayîşîş dano qetîl o yo.’’