Dimayê eşekrayîya HDP’yî ya Amedî kîtleyî dest bi rayraşîyayîşî kerd. Polîs hêrişê şarî kerd, tewr tay 15 kesî destbend kerdî û 2 rojnamegerî zî derb kerdî.

Rayraşîyayîşo ke ver bi Meydanê Dagkapiyî yeno viraştene partlamenterê HDP’yî û hemşaredarî zî tede ca gênê. Grûbe bi sloganan şarê Amedî ra waşt ke wa wayîrê îradeyê xo bivejîyê û mesajê xoverdayîşî dayî. Esnafan zî paştî daye çalakgeran. Polîsan bi TOMAyan hêriş kerd. Goreyê zanayîşan kuçeyê Lîse de 5 û Ofîs de 10 kesî ameyî destbendkerdene. Rojnamegerî Hayatî Yildiz û Berîtan Cansozere ke çalakîye teqîpkerdêne ê zî hetê polîsan ra ameyî derbkerdene.