Avûkantanê Buroyê Huqûqî ê Asrinî ra Rezan Sarıca, Raziye Ozturk, Faik Ozgur Erol û Emran Emekçi semedê muwekîlê xo  Rayberê Şarê Kurdî Abdullah Ocalanî muracatê Serdozgerîya Komare ya Bursa û Mudirîya Zîndanê Îmraliyî kerd.

Xeylêk wexto ke Rayberê Şarê Kurdî Abullah Ocalanî ra xebere nîna girewtene. Avûkatî hewte de hey semedê pêvînayîşî muracat kenê la muracatê înan bi hewayêkê sîstematîkî bêcewab yenê verdayene. Ge ge bi aşman cuwa pê yeno eşnawitene ke cezaya dîsîplînî ameya dayene.

CPT 3ê teşrîna verêne de eşkera kerdbi ke înan Îmrali zîyaret kerdo la Buroyê Huqûqî yê Asrinî 29ê teşrîna peyêne de eşkera kerd ke CPTyî Rayberê Şarê Kurdî Abdullah Ocalanî reyde pêvînayîş nêkerdo. Nê zî qisawetî zêdînayî.