Fotografê Serekê Baroyê Amedî Nahît Erenî, cinîye û domananê ci medyaya sanale de ameyî vilakerdene û pê mergî ame tehdîtkerdene. Baroyê Amedî derheqê serebûtê ke verî zî qewimîya bi û vizêr hewna qewimîya, Serdozgerîya Komare ya Amedî de pêhesnayîşê sûcî kerd.

Bado ke serebût ame eşnawtene  serekanê 81ê baroyan eşkerayîya hemkare daye û vat: ''Ma nêwezanê hewna dejêkê sey Tahîr Elçîyî biancê.'' Serekanê Baroyan vat:  ''Demê peyênî de Serekê Baroyê Amedî Avûkat Nahît Eren medyaya sanale de yeno tehdîtkerdene ke no nîno qebulkerdene. Ma vakayêka newî ya Alî Gundayî, hewna dejêkê sey Tahîr Elçîyî nêwazenê. Eke dej û tradejîyê neweyî nînê waştene; hema ke erey nêbîyo wa kesê eleqedarî wezîfeyê xo bîyarê ca.''