Serekê baroyanê Vakûrê Kurdistanî  yê ke 29’ê Hezîrane de Dêrsim de ameyî têhet derheqê kombîyayîşê xo  de eşkerayîyêk daye.

Eşkerayîye de bale ameye ante serê weçînitişî û ame vatene ke şarî polîtîkaya cîyakerdişî qebûl nêkeno û ganî heme aktorê polîtîkî naye ra ders vejîyê û goreyê naye tê bigêrê. Serekanê baroyan demê çareserîye vist vîrî û vat wext wextê çareserkerdişê meseleyê Kurdî yo û ganî cade semedê naye gamî bêrê eştene. Eşkerayîye wina dewam kerde: ‘’Tirkîye de huqûq gerîyeno binê lingan. Paştê şarî huqûqî ra bîya sist. Nê semedî ra sucê ke vera dewletî ameyî kerdene ganî cezakerdişê nînan bêrê wedartene. Efû semedê haştîya cimatkîye do bibo gamêka zaf muhîm ê. Ê ke rîyê azadîya îfadeyî û fîkranê xo ra zîndan de yê heme temsîlkarê Dezgehanê Cimatî yê Sivîlan, akedemîsyenî, sîyadmedarî û heme mexdûrê bînî ganî cade serbest bêrê veradayene. Semedê şaranê Tirkîya û demokasîye ganî Qanûnê Bingeyênî lezûbez bêro newekerdene.’’