Bajarê Basel ê Swîsre de de kesê ke erdlerzî de dinyaya xo bedilnaya, ameyî vîrardene. Parlamenterê fedaral ê Swîsre, Parlamenterê kantonan, rîsipîyê dînî, temsîlkarê sazgehanê kurd û elewîyan û bi hezaran kesî beşdarê vîrardene bîyî.

Vîrardene bi tafînayîşê mûman û deqayêk rêzegirewtişî dest pêkerd. Serekê Qezaya Bajar a Kantonê Baselî Beat Jansî qisey kerd û seba paştîdayîşî veng da.

Koroyê cinîyan ê ElGrecho, Choeur3, Ensemble Liberte Fimmene konserêko şenik da. Papazê Kilîseyê Elîsabethenî Frank Lorenzî biney qisey kerd û dûayî ameyî wendene.

Pîrê Elewî Mûzaffer Dedeyî zî biney qisey kerd û qiseykerdişan ra dima Koma Saz a Komeleya Kulturê Elewîyan gulbendî wendî.