Bedlîs de bêtehamulîya vera tabelayanê Kurdkî dewam kena
Şaredarîya AKP’yî ya Tetwanî ya ke bi wedaritişê tabelaya Kurdkî amebî rojdem, nika zî tebelaya Kurdkî ya goristanêk wedarite û morê xo da binê sosretêkê bînî ro.
Dimayo ke Şaredarîya AKP’yî ya Bedlîsî tabelaya Kurdkî wedarite, Şaredarîya AKP’yî ya Tetwanî zî tabelaya şaredarîye ya Kurdkî wedaritîbî û bi wedaritişî tabela amebî rojdem. Bêtehamulîya Şaredarîya Tetwanî ya vera Kurdkî dewam kena. Şaredarîya Tetwanî nika zî “Qoristanê Karşiyakayî” yê Goristanê Taxa Karşiyakayî wedarit û herinda ci de tabeleya “Her nefs do mergî tam bikero” darde kerde. Heta nika Şaredarîya Tetwanî derheqê wedaritişê tabelaya Kurdkî de eşkerayîye nêdaye.
