Serekê Federasyonê Komeleyanê Elewîyan Zeynel Abîdîn Koçî derheqê waştişanê weçînayîşan ê elewîyan de ANFyî rê qisey kerd.

Koçî da zanayene ke Meclîs de temsîlîya elewîyan kêm a û partîyê sîyasîyî teyna sey 'wekîla/ê elewî' ca danê înan.

Koçî vat: ''Tay partîyî rixmê ke bingeyê înan de weçînitoxê elewîyî zaf ê, canêdanê temsîlîya elewîyan. Nimûneyê Alî Kenanogluyî weş bi. O sey temsîlkarê elewîyan HDPyî ra dekewtbi Meclîsî. Teyna pê 'wekîla/ê elewî' nêbeno. Temsîlîya ma narey do Celal Firat bikero la ganî pêro federasyonê ma seba têkoşînê heqanê elewîyan Meclîs de bibê. Celal Firat herêma hîrêyîne ya Îstanbulî ra namzetê Partîya Çep a Keske yo. Ma sey federasyonî kombîyayîşî kerdî û ma bi hemparîya rayan ey do bişawê Meclîsî. Ma bi deklarasyonî zî da zanayene ke ma paştî danê ci.''

Firatî ard ziwan ke Partîya Çep a Keske temsîlîya elewîyan kena û tede nasnameyê cîyayî nêhelîyenê. Koçî vat: ''Partîya Çep a Keske yew warê îtîfaqî yo. Na partî seba elewîyan, êzidîyan, sûryanî û armenîyan zî xebitîyena. Partîya Çep a Keske de komel û kesayetî eşkenê sey xo bimanê. Ma sey federasyonî mîyanê nê îtîfaqî de eşkenê xo temsîl bikerê. Ma do namzetê xo Firatî reyde pêro xebatanê ci yê Meclîsî de pîya têbigêrê.''