Serekê Baroyê Wanî Sînan Ozarasî derheqê erdlerz û erdlerzî ra dima remnayîşê gedeyan de ANFyî rê qisey kerd.

Ozarasî da zanayene ke erdlerzê 6ê sibate de 44 hezar qurbabanê erdlerzî mîyan de 116 avûkatî zî est bîyê û seba heme şarî serweşî û şîfa waşte û vat, ‘‘Ma bi TBByî dekewtê têgêrayîşêkî mîyan û ma seba temînkerdişê hetkarîya awe û nan veng da. Ma 16 kamyon hetkarîyî erşawitî bajaranê xo yê erdlerzî rê. Ma hîna zaf  Nûrdagi, Hatay, Semsûr û Mereş de bîyê û ma keyeyê ke ameyê Wan, ma înan reyde eleqedar bîyê. Ma hetkaran resnaye 150 keyeyan. Ma hetkarîyê bînî bi raya STKyan erşawitêne ke Wan de xebatê hetkarî kerdêne.

Hetkarîyê ma ameyê astengkerdene. No halêko însanî bî la halê sîyasîyî xo nîşan dayî. Halê însanîye de gere hetkarîyî kamca ra bêrê zî gere biresê mexdûran. Çunke bi mîlyonan însanî uca de est ê ke wazenê biciwîyê. Ma bi nameyê Baroyî ma Îslahîyede aşxane rona û ma xîzmet da 15 hezar însananê xo. Ma seba gedeyan kayî hazir kerdî ke wa travmayê erdlerzî ra dûrî bimanê.

Wexto ke planê bajarêkî yeno viraştene, goreyê xeta fayî yeno hazirkerdene. La bajarê ma tam xeta fayî ser o ameyê viraştene. Coka hende însanê ma merdê. Xebatê gêrayîş û xelisnayîşî zî tam bîyî kaosêk. Ma dî ke 3 rojî ekîbêk zî nêresaybî xeylê herêman. Xora kes xo nêresna dewan. Erdlerzî ney, na bêeleqeyî însanî kiştî û biyê sebebê bi hezaran însanan.

Derheqê remanyîşê gedeyan ê terîqetî de, tespît û îdîayî est ê. ma zî vera ney gerre kerd û ma do taqîb bikerê. Demê tay kesan bexrwaştoxî talanker îlan kerdî û no bî sebeb ke koçberî bêrê lînçkerdene. Ma ê kesî zî gerre kerdî.’’