Şaristanê Bordeauxî yê Fransa de bi beşdarîya Hemserekê KONGRA-GELî Remzî Kartalî bi rojdemê weçînayîşî, Merkezê Komelê Demokratîkî yê Kurdan de, kombîyayîşêk ame kerdene.

Kartalî kombîyayîş de qisey kerd û pare kerd ke armancê înan o verên rijnayîşê îqtîdarê AKP-MHPyî yo. Kartalî vat: ''Eke AKP-MHP nêşoro qet yew çi do nêvurîyo. Eke AKP-MHP vînî bikero o çax sîstemo demokratîk do bêro awankerdene û meseleya kurdan do bêra çareserkerdene. Kilîdê nê pêro çîyan zî azadîya Rayber Apoyî ya. Ganî ma bi israr û rica qala girîngîya nê weçînayîşan bikerê. Ganî her kes nê weçînayîşan de sey wezîfedarî têbigêro.''

Qiseykerdişê Kartalî ra dima venga şarî dîya ke 23yê nîsane de şaristan de tewrê mîtîngê weçînayîşî bibo.