Hemserekê Konfederasyonê Sendîkayanê Kedkaranê Umûmîye (KESK) Mehmet Bozgeyîkî derheqê krîzê ekonomîkî de ANFyî rê qisey kerd.

Bozgeyîkî bale ante polîtîkayanê terefgîrîya sermaye yê îqtîdarî ser û vat: ''Seba ke budçeya şarî dîyena şerî xizanîye bena giranêr. Seba ke serra 2023yî serra weçînayîşî ya AKP seba ke îqtîdarê xo rê dewam bikero hîna zaf çimeyanê şarî xerc keno. Coka karkerî 2023 de do hîna zaf zehmetîye biancê. Polîtîkayanê şerî yê îqtîdarî ra krîzê ekonomî yê 2022yî bîyo giran û krîzê 2023yî do hîna giran bibo.'' 

Bozgeyîkî îfade kerd ke îqtîdar şarî manîpule keno û vat: ''Ma zanenê ke şer Tirkîya de sebebo bingeyî yê kerdişanê antî-demokratîkan, otorîterbîyayîşî, enflasyon, xizanîye û bêkarîye yo. Ma tim anê ziwan ke polîtîkayê şerî sebebê bingeyî yê. Şarê Tirkîya zanenê ke sebebê krîzan polîtîkayê şer û asayîşî yê.''