Parlamenterê Hdpyî yê Antalya Kemal Bulbulî, erdlerz û amancê AKP-MHPyî ser o ANFyî rê qisey kerd.

Bulbulî da zanayene ke hukmetê AKP-AMHPyî şarî sey însanan nêvîneno û nîyadayîşê dewlete yê tradîsyonelî dewam keno û vat, ‘‘Însanî xo bêçare hîs kenê. Na bêçareyîye sey qîrayîş û hewaran yena nîşandayene. Pêroyê Semsûrî nika biyo xirbe. Heme awanîyî ke hetê mutahîdan ra ameyê viraştene, pêro rijîyayî. Awanîya şaredarî ya Semsûrî zî rijîyaye û kaybezê voleybolî yê ke Qibris ra ameybî, yewe zî nêxelisîyaye.’’

Bulbulî ard ziwan ke dewlete goş nêdana şarî û vat, ‘‘Goreyê mi dewlete binê xirban de menda. Ma no nîyadayîşê dewlete roja verêne dî ke Serekê AKPyî vejîya û şar tehtîd kerd. 5 serra verê Semsat de erdlerzêk virazîya û xirbî hema zî uca de yê. Hema birînê erdlerzê Meletî û Xarpêtî nêameyî piştene.’’

Wekîlê HDPyî vist vîrî ke halêko giran meydan de est o û vat, ‘‘Ma bêhêvî nêbê. Partîya ma waran de ya. Ma çadiran danê viraştene û şarê xo rê vila kenê. Wezaretî da zanayene ke do astengîyêk nêvejîyo la AFAD seke sazîya polîs û ewleyî ya, têwgêrena. Ma do şêrê Mereş û Meletî zî. Ma bi paştîdayîşî xo nê halê xirabî ra bixelisnê.’’