Hemsereka Pêroyî ya HDP’yî Pervîn Buldane çereweyê bimbarekkerdişê roşanî de Qers de bî. Bûldana ke tîya qisey kerd nê vatî vatî:

‘’Ma no roşanî bicoş bimbarek kenê. Rayberîya Leyla Guvene de xoverdayîşê grevê vêşanîye tecrîdê serê Birêz Ocalanî şikit û vernîya demokrasî akerde. Ma reya verêne ra vanê ke tecrîd sûce merdimîye yo û ganî bêro wedartene. Sey vizêrî ewro zî şarê Kurdî bi xoverdayîş do heme heqanê xo dest bifîno. Hukmatê AKP’yî serê de Kurdî  heme şarê Tirkîya înkar kerdî. Parlamenterî û hemşaredarî yê nê welatî ameyî tepiştene û hema zî zîndanan de yenê tepiştene. Nika rayîrêko newe vernîya ma de yo. No rayîrê demokrasi, aşitîye û azadîye yo. Ma 7’ê Hezîrane, 1’ê Kanûne, 24’ê Hazîrane û 31’ê Adere de rixmê heme hêrişan ser kewtî û ma do 23’ê Hezîrane de  Stenbol de reyna dersê AKP’yî bêdê ci.’’