Hemsereka Pêroyî ya HDPyî Pervîne Buldan çarçewa xebatanê weçînayîşî yê Partîya Çep a Keske de taxa Gulbahçe ya qezaya Seyhanî ya Adana de tewra akerdişê buroyê weçînayîşî bîye. Şarî bi tîlîlî û çepikan konvoyê Buldane pêşwazî kerd. Şarî bi sloganê “Bijî Serok Apo” akerdişê buroyî vurna mîtîngî.

Hemsereka Pêroyî ya SYKPyî Canane Yuce girse selam kerd û vat ke ê qerardar ê ke 14ê gulane de ser bikewê û Komara Demokratîke awan bikerê.

Dima Hemsereka Pêroyî ya HDPyî Buldan qisey kerd û vat: ''Wa çew pê şik nêkewo. Ma do bi xoverdayîşî ser bikewê. Ma do 14ê gulane de tarîxî bivurnê û demokrasî bîyarê. Ma nika amadekarîyê 14ê gulane kenê. Tercîhê şarê kurdî û şaranê Tirkîya girîng ê. Ma soz danê ke peynîya politîkayanê şerê taybetî bîyarê. Sebebê krîzê ekonomîkî AKP-MHPyî yo. Înan welat pêşkêşê terefgîranê xo kerd. Ma reyna soz danê ke do înan bişawê. Ma do Adana de di ra zafêr wekîlîyn bişawê Meclîsî. Serkewtiş do ê ma bibo. Zulm û neheqîyê ke ma rê ameyê kerdene, ma do qetî xo vîr a nêkerê.''

Akerdişê buroyî ra dima Buldane û heyetê ci şîyî qezaya Tarsusî ya Mersînî. Heyetî tîya de şarî reyde fitar kerd.