Enternasyonalîstî emser zî serrgêra Komployê Mîyannetweyî yê vera Rayberê Şarê Kurdî Abdullah Ocalanî de Rayraşîyayîşê Dergî organîze kenê. Rayraşîyayîş emserÎ do 1ê sibate de bajarê Cenevre yê Swîsre de bêro destpêkerdene û 11ê sibate de  bajarê Strasbourgî yê Fransa de bi mîtîngêk biqedîyo.

Konseya Kurdanê Demokratîkan ê Swîsre (CDK-S) û Têgêrayîşê Cinîyan ê Kurdan ê Swîsre  (YJK-S) bi eşkerayîya hempare semedê tewrbîyayîşê rayraşîyayîşî veng da.

Eşkerayîye de nê ameyî vatene:

 "Hêzanê komplogeran ê mîyanneteweyî şexsê Rayberê Şarê Kurdî Abdullah Ocalanî de vera şaran komplo kerd. Coka şarî 15ê Sibate sey 'Roja  Tarî' pênas kenê. Ewro tecrîd sey dewamê komployî yeno dewamkerdene. Tecrîd hetê modernîteya kapîtalîste ra yeno kerdene. Coka CPT û dezgehê mîyanneteweyî vera tecrîdî bêveng ê. 23 aşmî yo Rayber Apoyî ra xebere nîna girewtene. Kurdan û dostanê înan çirey sîstemê tecrîd û qirkerdişî qebul nêkerd. Her firset de  cinî û ciwanê kurdan ê ke dormeyê Rayberîye de benê çemberê adirî, nêverdenê  komplo ser bikewo.

Dostê enternasyonalîstê ke veng û felsefeya Rayberê Şarê Kurdî kirişenê heme dinya bajarê Cenevre yê Swîsre de do bêrê têhet û badê konferans û panelan mabênê 6-11ê sibate de Cenevre ra ver bi Strasbourgî do rayrşîyayîş bikerê. Ma zî sey kurdan û dostanê înan do tewrê rayraşîyîşî bibê û azadîya fîzîkîye ya Rayberîye biwazê. Ma veng danê ke wa heme kurdî dostî rayraşîyayîş de cayê xo bîgêrê û tewrê mîtîngê  Strasbourgî bibê.

5 sibate de do derheqê felsefeya Ocalanî, komplo û sîstemê Îmraliyî, têkoşînê vera komplo û tecîrî û xebatanê enternasyonalîstan de konferans bêro kerdene û dima ra fîlmê Kobanê bêro mojnayene.''