Cinîyê Kurdan ê ke Komara Adige ya girêdayîya Federasyonê Rûsya de ciwîyenê, hêrişê dewleta Tirkî ya  îşxalkare yê vera Başûrê Kurdistanî bi eşkerayêka çapemenîye şermezar kerd.

Eşkerayîya ke Merkezê Kulturê Kurdan ê Adigeyî de ameya dayene de sereka Komela Kulturê Kurdan a Adigeyî Sînem Broyeva qisey kerd û vengdayîş bi cinîyan kerde ke vera cehdkerdişê îşxalkarîya dewleta Tirkî hîsgêr bibê.

Broyeva qiseykerdişê xo de bale ante serê hemparîya dewleta Tirkî û PDK’yî ser û vat, “PDK dimayê Şengal û Kerkukî nika zî herêma Behdînan de îxanet ano verê Kurdan. Derdê PDK’yî o yo ke dewleta Tirkîya ke çar parçeyanê Kurdistanî de vera şarî zulm û qirkerdişan kena de têkilîyanê başan rona û sere de destkewteyê Başûrê Kurdistanî, heme destkewteyanê şarê Kurdî bierzo rîsk. Ma sere de vengdayîş bi cinîyan û  heme şarê ma kenê ke vera nê kayê qilêrinî de heşar vindê û vera na xeta teslîmbîyayîşî ya ke hemparîya AKP-PDK şanena ma ver mîyanê têkoşînî de bibê.”

Eşkerayîye ra dima cinîyan sloganê “Biciwîyo Serek Apo”, “Cinîye, Cuye, Azadîye” qîrayî û vila bîyî.