Ciwanê Dêrsimîjî Ersîn Dargin û Ozkan Ûlûcanî yê ke bajaran de hesretîya welatê xo antêne bajarê ke tede unîversîte wend û dest bi karî kerd cavêrdayî û verê xo da herra xo.

Ersîn Dargin û Ozkan Ûlûcanî yê ke nêeşkayê bajaran de bimanê bi hesretîya cuya xozayîye agêrayê welatê xo û bi paştayîşê kooperatîfanê citkarî ya ke qezaya Pulurî ya Dêrsimî de ameya ronayene dest bi citkarîye kerde.Ciwananê kê hegayê nehayan ramitê derheqê xîyalanê xo de qisey kerd. Ersîn Dargino ke 12 serrî ra dima agêrayo Dêrsimî ard ziwan  ke seba  ke o welatê xo de yo bi herre eleqedar beno zaf zerrîweş o vat: ‘’Agêrayîşê herre û xoza rind o. Welat de bîyayîş û miyanê  berardişî de bîyayîş hîsêko zaf rind o.’’ Ozkan Ûlûcanî zî vat: ‘’Bajaran de goreyê sîstemêk yeno xebityayene. La tîya şertê merdimî û tewirê bierdemî estê. Hetê ci yê zorî zî estê la ma seba ke parya bimanê şewe û roje xebityenê. Tîya ma mîyanê herra xo de yê, hawato pak gênê, wanenê, vengê xo goştarî kenê û xo hîs kenê. No çîyêko zaf rind o.’’