Emser Rayraşîyayo Derg ê seba azadîya Rayberê Şarê Kurdî Abdullah Ocalanî yê enternasyonalîstan Cenevre ra ver bi Strasbourgî bêro kerdene. Ciwanê ke amadekarîyanê xo kenê înan venga her kesî da ke 7ê çeleyî de tewrê rayraşîyayîşê Parisî yê vera Qirkerdişê Parisî bibê.

Şar 7ê çeleyî de Gare de Nordî ra ver bi Meydanê Republique şoro.

Enternasyonalîstê kolombîyayîjî Kamîlo Torresî nameyê enternasyonalîstanê bînan ser o qisey kerd û venga pêro merdiman da ke tewrê rayraşîyayîşê Parisî bibê.

Torresî vat: ''Peyê Qirkerdişanê Parisî yê 9ê Çeleyî û 23yê Kanûne de destûr û bêvengîya Fransa est ê. Ganî bêro cigêrayene ke rolê îstîxbaratê Tirkîya nê qirkerdişan de çita yo. Ganî her kes tewrê rayraşîyayîşê 7ê çeleyî bibo. Ma sey ciwananê enternasyonalîstan venga pêro kesan danê ke wayîrê têkoşînê azadîye yê kurdan vejîyê. Ganî ma vengê xo seba qurbananê nê qirkerdişanê gemarinan vejê, wayîrê şehîdan vejîyê. Ma venga şima danê ke bêrê Parisî.''