Serdozgerîya Komare ya Anqara derheqê Mudira Karanê Nuşteyî ya Ajansê Mezopotamya (MA) Dîrene Yurtsever, muxabîre Berîvane Altan, Ceylan Şahînlî, Denîz Nazlim, Selman Guzelyuzî, Emrûllah Acar û muxabîranê JINNEWSî Habîbe Eren û Ozgur Deger ke tepîşte yê, muxabîra MA Zemo Aggoz û Mehmet Gundan de ke demêk sey stajyer buroyê MA yê Anqara de xebitîyayê, îdîanameyêk hazir kerd û ame qebulkerdene

Komîteya Pawitişê Rojnamewanan (CPJ) derheqê ney de eşkerayîyêke weşanaye û sûçdarkerdişê ‘Terorîzmî’ rê reaksîyon da.

Dîrektorê Programanê CPJyî yê Newyorkî Carlos Martînez de la Sernayî vat, ‘‘Gere wezîfedarî nê sûcdarkerişan betal bikerê, heme rojnamewanan verdê û êdî rojnamewanî bi ‘terorîzmî’ sûcdar nekerê’’

CPJyî da zanayene ke Serdozgerîya Anqara rê û Wezaretê Edeletî rê e-posta erşawita, la cewab nêameyo dayene.