Delegasyonê Vera Tecrîdî yê Mîyanneteweyî yo ke 7 welatan ra 36 huqûqnas, rojnameger û akademîsyenî tede ca genê, seba ke derheqê tecrîdê serê Rayberê Şarê Kurdî Abdullah Ocalanî de pêvînayîşan bikero, şi Tirkîya.

Delegasyon do mabênê tarîxanê 25-27ê çeleyî de Îstanbul, Anqara û Amed de rêxistinanê komelê sîvîlî û dormeyanê sîyasîyan reyde pêvînayîşan bikero. Heyet do sey 3 heyetanê cîyayan pêvînayîşan bikero û 28ê çeleyî de Îstanbul de Forumê Vera Tecrîdî yê Mîyanneteweyî bikero.

Programê xebatanê ke do Komîsyonê Huqûq û Heqanê Merdimanê yê HDPyî zî tewrê ci bibo, wina yo:

Anqara
11:00 – Zîyraretê Yewîyanê Tabîban (TTB)
13:00 – Zîyaretê Komeleya Heqanê Merdiman (İHD)
14:00 – Zîyaretê Weqfê Heqanê Merdiman ê Tîrkîya

Amed
10:30 – Pêvînayîşê keyeyanê kesanê ke Îmrali de yê. Ca: New Garden Otel
14:00 – Zîyaretê Dayîkanê Haştîye

15:30 –Zîyaretê Med Tuhad- Fedî
 

Îstanbul
11:30 – Zîyaretê Buroyê Huqûqî yê Asrinî

15:00 – Têhetameyîşê bi Dezgehanê Huqûqî. Ca: Şubeyê Îstanbulî yê ÎHDyî.