Avûkat Cemal Demîrî derheqê vêşîbîyayîşê nîjadperestîye de, êyê ke erdlerzî dima yê, ANFyî rê qisey kerd.

Demîrî bale ante  îşkence û muameleyê xirabî ser o û wina vat, ‘‘No çî, bi nêhesibnayîşê huqûqî ame kerdene. Sebebê ci polîtîkayê ‘bêcazatî’ yê.’’

Gere faîlî bêrê tespîtkerdene

Demîrî dîyar kerd ke dozgerî gere bi lezûbez dewa akerê û dest pêbikerê ke sûcdaran tespît bikerê. Çîyo ke hewce keno, wa ey bikerê. Demîrî wina vat, ‘‘Eke dewletêke îdîa kena ke a dewletêka huqûqî ya, gere sere a bi xo girêdayîyê qanûnanê xo biba. Gere huqûq nê faîlan tespît bikero.’’

Ma xirbe û krîzê dewlete reyde rî bi rî mendê

Demîrî qiseykerdişê xo wina qedêna: ‘‘Yeno zanayene ke welat xeta faye ser o yo û verê zî xeylê erdlerzî virazîyayê la reyna zî dewlete tedbîrêk nêgirewt û hende însanê ma kerdî qurbanê rant û ruşwetî. Erdlerzî ra dima wextê xo de mudaxele nêame kerdene û mexdûrê erdlerzî tena binê xirban de mendê. Ma hem binê xirban de hem zî krîzê dewlete reyde rî bi rî mendê.