Demîro ke Yunanistanî teslîmê Tirkîya kerd ame tepiştene
Îdarekaro verên ê HDPyî Mehmet Seyit Demir seba ke derheqê ci de cezaya zîndanî est a, şi Yunanistan. Demir Tirkîya rê ame teslîmkerdene û ame tepiştene.
Îdarekaro verên ê HDPyî Mehmet Seyit Demiro ke 2021 de Mehkemeya Cezaya Girane ya 10. ya Amedî de bi îdîaya ''endamîye û propagandaya rêxistine'' cezaya 6 serran û 8 aşman dîyaye ci, 23ê çeleyî de şi Yunanistan. Keyeyê Demirî Yunanistan de ame destbendkerdene û Tirkîya rê ame teslîmkerdene.
Mehmet Seyit Demir û Feride Demir badê teslîmkerdişî Tirkîya de ameyî destbendkerdene. Feride Demir ameye veradayene û Mehmet Seyid Demir seba ke qedexeyê tebervejîyayîşÊ welatî binpay kerdo ame tepiştene û şawiya Zîndanê Tîpê Fyî yê Edirne.
