Roniştişê dewaya sîyasetmedaro Kurd Selahattîn Demîrtaşî yo ke 142 serrî cezaya zîndanî seba ê yena waştene, Mehkemeya Cezaya Girane ya Agirî de virazîya.

Demîrtaşo ke rehîn ameyo girewtene  di rojî  Zîndanê Tîpê F’yî yê edîrne de bi rayîrê Sîstemê Telekonferansî (SEGBÎS) tewrê roniştişî bi.

Hemsereko verên ê pêroyî yê HDP’yî Selahattîn Demîrtaşî pawitişê xo de vat ke o qebûl nêkeno ke rîyê çekuyanê Kurd û Kurdistanî ra bêro sûcdarkerdene û vat, “Çunke Kurdistan wayîrê rastîyêka tarîxî û coxrafîke yo. Şima û dozgerê şima se mîlyonan reyan qerar bide zî Kurdistan esto. Kurdistan nameyê coxrafyayêk o û nameyê welatê min o.”

Dozgerî bi bahaneya ‘Sûcê ke çarçewaya kategorîya sûcî de yê, heman wextî de demê pêroyî yê ceza verê çiman de bêro girewtene, do seba veradayîşê bi şertê kontrolê edlîyî qîm nêkero’ qerarê domnayîşê tepiştişê Demirtaşî da.

Heyetê mehkema zî dimayê mabênî ra qerarê dozgerî tesdîq kerd û qerarê domnayîşê tepiştişê Demîrtaşî da. Roniştiş talûkê 2-3’yê Êlule ame kerdene.