Îtîfaqê Dêrsimî ke Partîya Demokrasîyî û Têdûştîye ya Şaran (DEM Partî), Partîya Kede (EMEP), Partîya Karkeran a Tirkîya (TİP), Federasyonê Meclîsanê Sosyalîstan (SMF), Cepheyê Azadîye û Kede (EOC) û Partîzan tede ca genê namzedê xo yê 31ê adare dayî nasdayene.

Aktîvîteya ke Meydanê Seyîd Rizayî de ameye kerdene Wekîla DEM Partî ya Dêrsimî Aytene Kordu û temsîlkarê xeylêk dezgehanê komelê sîvîlî tewrê ci bîyî.

Endamê Komîsyonê Weçînayîşî yê DEM Partî Ozcan Ateş vat înan zorbarîye destê yewbînan tepişto.SMFyî ra Mahîr Gurzî vat, ''Şima nêeşkenê bi destbedkerdiş û tepiştişî îradeyê şorişgêran teslîm bîgêrê. '' Hemserekê EMEPî yê Dêrsimî Ergîn Tekînî bale ante muhîmîya têkoşînê hemparî ser.

Hemsereka DEM Partî ya Dêrsimî Esma Ataşa ke kirmackî qisey kerd, vat, '' Êyê ke vera ma yê bîyî yew, heta ke ma yew mebê ma nêeşkenê ser bikewê. '' Hemserekê Pêroyî yê ESPyî Beycan Taşkiran vat, 'Wa bawerîya ma bi xo û yewbînan ra biba.''

Namzeda Şaredarîya Dêrsimî Bîrsene Orhan vat, ''Ma do nê bajarî newera înşa bikerê.''  Namzed Cevdet Konak zî vat, ''Ma do nê bajarî pîya bi şarî îdare bikerê.''

Aktîvîte bi deyîranê hunermend Mazlûm Buyuktaşî qedîyaye.