Dewaya Ozgur Gundemî: 7 nameyan rê ceza amî waştene

Dozgerî pîya bi hemîdarekarê weşanê pêroyî yê Ozgur Gundemî Huseyîn Aykolî û mudura karanê nûşteyî Reyhan Çapane 7 kesan rê ceza waşte.

Roniştişê dewaya hemîdarekaranê weşanê pêroyî yê Ozgur Gundemî, ke bi QHQ’yî ame panayene, Huseyîn Aykolî û Eren Keskîne û mudura karanê nûşteyî Reyhan Çapane yo 12’in Mehkemaya Cezaya Girane ya Stenbolî ya 13’ine de ame kerdene.

Dozgerê roniştişî, seba Lutfî Yavuzaslan, Methî Kaya, Îslam Tuner, Hasan Başak û Kemal Yakût û Hüseyin Aykol’î yê ke nûşteyê înan rojname de ameybî weşanayene de sûcanê „tehrîkê bi hawayêkê eşkerayî kerdişê sûcî“, „dayîşê pesnê sûc û sûcdarî“ û „kerdişê propagandaya organîzasyonî“ ra cezakerdiş waşt. Seba Çapane zî sûcanê „tehrîkê bi hawayêkê eşkerayî kerdişê sûcî“, „dayîşê pesnê sûc û sûcdarî“ û bi hawayêkê rêzilkîyî „kerdişê propagandaya organîzasyonî“ ra cezakerdiş waşt.

Heyetê mehkema, seba ke mutaalaya xo ya derheqê esasî de amede bikerê avûkatan rê dem da. Roniştiş, talûkê 21’ê Teşrîna Peyêne ame kerdene.