Erdlerzê 6ê Sibate ra dima Dîlokî zerarêko pîl dîbî. Dewlete û îqtîdarî şar mîyanê krîzî de verda.

Seba weçînayîşanê 14ê gulane namzetê Dîlokî yê Partîya Çep a Keske Perihane Yucekaya, Yusuf Bozkuş, Sevîme Alagoz, Huseyîn Kiliç, Rozerîne Ercan û Gafar Bayram ê. Namzetan ra Perîhane Yucekayaya ke verî Hemsereka HDPyî ya şaristanî bîye, derheqê xebatanê weçînayîşî de ANFyî rê qisey kerd.

Yucekaya pare kerd ke ê roja verêne ra nata mexdûranê erdlerzî zîyaret kenê û vat: ''Merdimê  ma ameyî qetilkerdene. Sebebê nê serebûta îqtîdar û şaredarîya AKPyî ya. Ma wazenê meseleyanê Dîlokî Meclîs de qisey bikerê. Ma do Meclîs de mexdûrîya erdlerzî ya şarê xo bipersê. Ma do bibê vengê citkaran. No ca se ra 70î pîyasaya mişmişan a dinya ya. Vaybîyayîşê mazotî ra şar nêeşkeno zîretî bikero. Ma do Meclîs de heqanê citkaran biwazê.''

Namzeta Dîlokî ya Partîya Çep a Keske Perîhane Kocakaya pare kerd ke her wekîla/o ke Dîlokî ra do vejîya/o do bivurna/o. Kocakaya vat: ''Dew û qezayanê Dîlokî de canê ma qetil bîyî. Operasyonê qirkerdişê sîyasî vera kurdan dewam keno.Erdlerzî ra cade dima Rojawan dîya bombayan ver. Şar hewceyê asayîş û aramî yo. Ma do nînan bîyarê ca. Ma nêzdîyê serkewtişî yê, ma bi îdîa yê. Ma seba vurnayîşî amade yê.''